Tysdag 18. februar blir Forsvarsanalysen presentert på Deichmanske bibliotek i Oslo. Analysen får meir merksemd enn nokon gong.
Utviklinga av Forsvaret skjer mot eit dystert bakteppe. Russland har over lang tid demonstrert vilje til brutal framferd. Kina blir ein stadig tydelegare utfordrar, og Vestens motstandarar finn saman. Krigane i Midtausten har ført til auka terrortrussel for Noreg og våre allierte.
Trump som ny amerikansk president gjer amerikansk støtte og nærvær i Europa vanskelegare å forutsjå. Difor er det blitt sentralt i forsvarsplanlegginga å ta omsyn til det djupt usikre.
Samstundes satsar våre allierte tungt på å utvikle militære styrkar som kan forsvare tryggleiken vår, og utsiktene for nordisk forsvarssamarbeid har aldri vore betre.
På Stortinget er det historisk semje om ei kraftig satsing på forsvar. Det gir eit godt utgangspunkt for å skape balanse mellom oppgåver, struktur og økonomi.
FFIs eiga, årlege vurdering av Forsvarets behov og utfordringar kjem no ut for fjerde gong på like mange år.
Forsvarssjefen ønsker gjennom denne analysen å få vite meir om kva utfordringar og kva løysingar forskarane ved FFI meiner er sentrale i det komande året. Eirik Kristoffersen vil sjølv vere til stades på arrangementet.
Vil vil òg strøyme presentasjonen på denne sida frå 14.00.
Kaffi og lett servering frå 13.30.
